Profile

Rev. Lalsangpuia hi kum 1976 October ni 28 khan Pinkhunglay khuaah a piang a. A Nu leh pa chu Pu Ramenga leh Pi Vanlalliani an ni. Unau panga an ni a, chungte chu: Pi Vanlalchhawni, Pi Lalthannguri, Rev. Lalsangpuia, Pi Lalthanmawii leh Pi Laltlanchhuahi te an ni. Pu Lalhmingthanga leh Pi Vanlalzuii te fanu Lalkimi nen kum April 2, 2002 khan Pathian dan Thianghlim hmangin Rev. PC Ngurkhuma kutah Pinkhunglay PCM Biak inah an innei a. An fate chu: Daniel Laldinpuia, Mary Vanlalruatsangi, Jonah Lalsengpuia leh Melody Vanlalruatkimi te an ni. Kum 1997 khan Matriculation a pass a. Kum 2002 khan B.Th., Tahan Theological College-ah a zo leh a. Kum 2007 khan B.A (History) Kalay University-ah a zo bawk. Kum 2012-ah B.,D Aizawl Theological College-ah a zir zo leh a ni. Kohhrana rawngbawlna lam: Kum 2002 khan Phai Synod-in Probationary Pastor atana lak a ni a. Kum 2005 Khan rawngbawltu nghet atan nemngheh a ni. Rawngbawlna bialah a awm thawhna te: 2002-2005 Kanan venglai 2005-2008 Tuingo Bial 2008-2012 ATC-ah B. D zir. 2012-2016 N. Letpan bial 2016-2018 Namsang bial 2018-2022 Zohmun vengpui bial 2022-2025 Tahan Venglai bial April 1, 2025 atanga khan Synod moderator rawngbawl hna chelhin a awm mek a ni.